विजापूर जिल्ह्यातील चडचण तालुक्यातील देवर निंबरगी गावात रविवारी रात्री साखळी चोऱ्या झाल्याची घडली.

चोरट्यांनी राजू पत्तार यांच्या दुकानावर डल्ला मारून अंदाजे ४० हजार रोख रक्कम आणि सुमारे ५ लाख रुपये किंमतीचे सोन्याचे दागिने असा ऐवज चोरून नेला आहे. सदाशिव सिंगे यांच्या घरातील तिजोरीचे  कुलूप तोडून ८ हजार रुपये रोख रक्कम चोरट्यांनी चोरून नेली. त्यानंतर झाकीर नामक व्यापाऱ्याच्या दुकानात  तिजोरीचे कुलूप फोडून रोख रक्कम घेऊन पलायन केल्याची घटना घडली. चडचण पोलिसांनी घटनास्थळी भेट देऊन पाहणी केली.