विजापूर जिल्ह्यातील विविध भागात मुसळधार पाऊस होत आहे. विजापूर शहरासह जिल्हाभरात विजांचा कडकडाट आणि वादळी वाऱ्यासह पावसाने हजेरी लावली. जिल्ह्यात वीज अंगावर कोसळल्याने दोघांचा मृत्यू झाला.

होय, विजापूर तालुक्यातील मदभावी गावात एका शेतकऱ्याचा मृत्यू झाला आहे. मरेमसाब जातगार या शेतकऱ्याचा शेतात काम करताना वीज अंगावर पडून मृत्यू झाला आहे. विजापूर ग्रामीण पोलीस ठाण्यात या घटनेची नोंद झाली आहे. दरम्यान, दुसऱ्या घटनेत तालुक्‍यातील सोमदेवरहट्टी लमाणी तांडा क्र. 2 येथे एका तरुणाचा वीज कोसळल्याने मृत्यू झाल्याची घटना गुरुवारी रात्री 10 वाजताच्या दरम्यान घडली. 22 वर्षीय युवराज डाकू राठोड असे मृत तरुणाचे नाव आहे. तो शेतातील घरात रहात होता. रात्री जोरदार वादळी वाऱ्यासह पाऊस पडत होता. त्यावेळी लघुशंकेसाठी तो घराबाहेर गेला असता ही दुर्घटना घडली आहे अशी माहिती स्थानिकांनी दिली. या प्रकरणाची नोंद तिकोटा पोलीस ठाण्यात करण्यात आली आहे.