विजापूर जिल्ह्यात सोमवारी मध्यरात्री झालेल्या अवकाळी पावसाने अनेक ठिकाणी जोरदार तडाखा दिला. सारवाड परिसरात तर या पावसाने हाहाकार माजवत अनेक शेड आणि द्राक्षबागा उद्ध्वस्त केल्या.

होय, विजापूर जिल्ह्याला अवकाळी पावसाचा जोरदाड तडाखा बसला आहे. अनेक ठिकाणी पावसाने हाहाकार माजवला आहे. सारवाड आणि परिसरात अवकाळीने शेतकऱ्यांना कंगाल करून सोडले. अनेक शेड आणि हातातोंडाशी आलेल्या द्राक्षबागा या पावसाने भूईसपाट केल्या. १ एकर क्षेत्रातील १ रॅक मनुका पावसाने खराब झाल्याने द्राक्ष उत्पादकाचे सुमारे ७ लाख रुपयांचे नुकसान झाले आहे. सरकारने या नुकसानीचे पंचनामे करून योग्य भरपाई द्यावी अशी मागणी द्राक्ष उत्पादकांनी केली आहे.