बेळगावातील रामकृष्ण मिशन आश्रमाच्या शहर शाखेतर्फे ८ एप्रिलपासून संस्कृत प्रशिक्षण वर्ग चालविण्यात येणार आहेत. यासाठी इच्छुकांनी नावनोंदणी करण्याचे आवाहन करण्यात आले आहे.

स्वामी विवेकानंद मार्ग, रिसालदार गल्ली येथील आश्रमात दर शुक्रवारी व शनिवारी दुपारी ३.३० ते ५.३० या वेळेत संस्कृत शिकवणी वर्ग चालणार आहेत. प्रशिक्षण वर्गाचा कालावधी ४ महिने आहे. प्रशिक्षणार्थी किमान दहावी पस असावा, तसेच त्यांना देवनागरी लिपीचे लिहिण्या-वाचण्याचे ज्ञान असावे. इच्छुकांनी ७ एप्रिलच्या आत सकाळी ११.३० ते दुपारी १.३० आणि ४.३० ते ६ या वेळेत आश्रमाच्या कार्यालयात नावनोंदणी करावी असे आश्रमाच्या सचिवांनी कळविले आहे.