चिक्कोडी तालुक्यातील नवी इंगळी गावात छत्रपती शिवाजी महाराजांच्या जयंतीनिमित्त शिवरायांच्या जीवनावर आधारित रांगोळी स्पर्धा घेण्यात आली. त्यात अनेक स्पर्धकांनी विविध प्रसंगातून शिवचरित्र साकारण्याचा प्रयत्न केला.

होय, नवी इंगळी गावात राजमाता जिजाऊ महिला मंडळ आणि छत्रपती शिवाजी तरुण मंडळातर्फे शिवरायांच्या जयंतीनिमित्त रांगोळी स्पर्धा घेण्यात आली. या स्पर्धेत 12 स्पर्धकांनी भाग घेतला. स्पर्धकांनी उत्साहाने सहभागी होत शिवरायांच्या आकर्षक रांगोळ्या रेखाटल्या. या स्पर्धेत प्रियांका बामणे प्रथम, सिभाष शिंदे द्वितीय तर सोनाली चिगरे आणि सविता कुडची यांनी विभागून तृतीय क्रमांक पटकावला. विजेत्यांना रोख पारितोषके देऊन गौरविण्यात आले. अन्य स्पर्धकांना उत्तेजनार्थ पारितोषक म्हणून स्मृतिचिन्ह देण्यात आली. परीक्षक म्हणून एम. डी. जाधव यांनी काम पाहिले. 

यावेळी प्रसारमाध्यमांना माहिती देताना एम. डी. जाधव म्हणाले, छत्रपती शिवरायांच्या जयंतीनिमित्त त्यांच्यावर आधारित रांगोळी स्पर्धा घेण्यात आली. त्यात सुमारे १५ स्पर्धकांनी भाग घेतला. त्यातील उत्कृष्ट रांगोळ्याना पुरस्कार देण्यात आले. स्पर्धकांच्या उत्साहामुळे स्पर्धा यशस्वीरीत्या पार पडल्या.  यावेळी अनेक स्पर्धकांनी छत्रपती शिवरायांच्या सुंदर व सुबक रांगोळ्या रेखाटल्या.