बेळगावातील राणी चन्नम्मा नगरातील निवेदार्पण अकादमीतर्फे ‘हाड़ू कन्नड नलीदाडु कन्नड‘ संगीत कार्यक्रमाचे आयोजन करण्यात आले होते.

बेळगावातील कोंवळा गल्लीतील लोकमान्य सांस्कृतिक भवनात रविवारी सायंकाळी या गायन कार्यक्रमात ४० गायक-गायिकांनी कन्नड गीते गायिली. त्यातील ५ उत्कृष्ट गायकांना पुरस्कार देऊन गौरविण्यात आले. प्रमुख पाहुणे कन्नड संघटनांच्या कृती समितीचे अध्यक्ष अशोक चंदरगी यांनी दीप प्रज्वलनाने कार्यक्रमाचे उदघाटन केले. गायिका आणि अकादमीच्या प्रमुख निवेदिता चंद्रशेखर व इतरांनी सूत्रसंचालन केले. सुमारे २ तास चाललेल्या या कार्यक्रमात अनेक बहारदार कन्नड गीते सादर करण्यात आली.