विजापूर जिल्ह्यातील मुद्देबिहाळ तालुक्यातील मलगलदिन्नीजवळ एका महाविद्यालयातील लेक्चररचा संशयास्पदरित्या मृत्यू झाल्याची घटना घडली आहे.

: मुद्देबिहाळ तालुक्यातील नागरबेट्ट एक्सपर्ट पीयू सायन्स कॉलेजमध्ये लेक्चरर म्हणून काम बजाविणारे काशिनाथ शरबय्या पुराणिकमठ यांचा संशयास्पदरित्या मृत्यू झाला असून तालुक्यातील मलगलदिन्नी गावानजीक थांबलेल्या बाइकजवळ पुराणिकमठ यांचा मृतदेह आढळून आला आहे.

नागरबेट्ट एक्सपर्ट पीयू सायन्स कॉलेजमध्ये गेल्या तीन वर्षांपासून कार्यरत असणारे पुराणिकमठ तालीकोटी येथे कामानिमित्त बाहेर गेले होते. काल रात्री ८ वा. २० मिनिटांनी शाळेजवळ असणाऱ्या गावात बाईकवरून फेरी मारून येण्यासाठी ते गेले होते. दरम्यान त्यांचा संशयास्पद रित्या मृत्यू झाला असून मृतदेह देखील मिळाला आहे. हा मृत्यू नसून खून असल्याचे त्यांच्या पालकांचे म्हणणे आहे. घटनास्थळी मुद्देबिहाळ पोलिसांनी बभेत देऊन पंचनामा केला. मुद्देबिहाळ पोलीस स्थानकाच्या व्याप्तीत या प्रकरणाची नोंद झाली आहे.