विजापुरात शुक्रवारी बर्निंग कारचा थरार लोकांनी अनुभवला. चालकासह तिघे वेळीच कारमधून बाहेर पडल्याने त्यांचा जीव वाचला. 

सोलापूर मार्गावरून विजापूरकडे जाणाऱ्या एका कारमध्ये अचानक ठिणग्या उडाल्याने आग लागली. चालकाच्या लक्षात ही बाब आल्यावर त्याने व इतर दोघांनी लागलीच कारमधून बाहेर धाव घेतली. त्यामुळे त्यांचा जीव वाचू शकला. विशाल वाली यांच्या मालकीची ही कार आहे. याबाबत माहिती मिळताच अग्निशामक दलाच्या जवानांनी तातडीने घटनास्थळी धाव घेऊन आग विझविली. मात्र तोपर्यंत कारचे बरेच नुकसान झाले. आदर्शनगर पोलीस ठाण्यात या घटनेची नोंद झाली आहे.