कार आणि ट्रकची समोरासमोर धडक होऊन झालेल्या अपघातात कारमधील डॉक्टरसह दोघे गंभीर जखमी झाले. हा अपघात हुबळी तालुक्यातील नुल्ली क्रॉसजवळ पुणे–बेंगळूर राष्ट्रीय महामार्गावर झाला.

कार आणि ट्रकची धडक इतकी भीषण होती की, कारच्या दर्शनी भागाचा संपूर्ण चेंदामेंदा झाला.  या अपघातात कारमधील डॉक्टरसह दोघे गंभीर जखमी झाले. जखमींना तातडीने हुबळीतील किम्स इस्पितळात दाखल करण्यात आले. जखमी डॉक्टरची प्रकृती चिंताजनक आहे. हुबळी ग्रामीण ठाण्याच्या पोलिसांनी घटनास्थळी भेट देऊन पंचनामा केला.