रस्ता ओलांडणाऱ्या पादचाऱ्याला चिगरी बसने धडक दिल्याने तो गंभीर जखमी झाला. ही दुर्घटना रविवारी धारवाडमधील कोर्ट सर्कलजवळ घडली.

बगलकोटचा रहिवासी मल्लना मेटी असे अपघातात गंभीर जखमी झालेल्या व्यक्तीचे नाव आहे. मल्लनाने धारवाड कोर्टजवळील रस्ता पार केल्यानंतर बीआरटीएस रस्ता ओलांडून जाताना मागून आलेल्या चिगरी बसने धडक दिली. त्यामुळे तो गंभीर जखमी होऊन रस्त्यावर कोसळला. त्यावर लागलीच वाहनचालक आणि इतरांनी त्याच्याकडे धाव घेऊन त्याला बाजूला काढून उपचारांसाठी धारवाड जिल्हा इस्पितळात दाखल केले. नागरिकांनी दिलेल्या माहितीवरून वाहतूक पोलिसांनी घटनास्थळी येऊन पंचनामा केला. धारवाड वाहतूक पोलीस ठाण्यात अपघाताची नोंद झाली आहे.