राष्ट्रीय महामार्गावर हलग्याजवळ भरधाव टँकरने उसाची वाहतूक करणाऱ्या ट्रॅक्टरला मागून जोरदार धडक दिल्याने झालेल्या अपघातात ट्रॅक्टर उलटून चालक जखमी झाला. सुदैवानेच या अपघातात प्राणहानी झाली नाही. 

होय, पुणे-बेंगळूर राष्ट्रीय महामार्ग क्र. ४ वर हलगा गावाजवळ मंजुनाथ राईस मिल्ससमोर भरधाव टँकरने उसाची वाहतूक करणाऱ्या ट्रॅक्टरला मागून जोरदार धडक दिली. टँकरच्या धडकेने उसवाहू ट्रॅक्टर उलटून ट्रॅक्टर चालक जखमी झाला. सुदैवानेच या अपघातात प्राणहानी झाली नाही. जखमी चालकावर इस्पितळात उपचार करण्यात येत आहेत. हिरेबागेवाडी पोलीस ठाण्यात अपघाताची नोंद झाली आहे.