गणेश विसर्जनावेळी महाराष्ट्रातून आलेल्या एका युवकाला अज्ञाताने चाकूने भोसकून हल्ला केल्याची घटना चिक्कोडी तालुक्यातील सदलगा येथे घडल्याचे उघडकीस आले आहे. जखमींवर बेळगावच्या बीम्स जिल्हा इस्पितळात उपचार करण्यात येत आहेत.

बेळगाव जिल्ह्यातील चिक्कोडी तालुक्यातील सदलगा शहरात एका युवकाला चाकूने भोसकून जखमी केल्याची घटना उघडकीस आली आहे. विशाल कृष्णा शेवडे असे जखमी युवकाचे नाव आहे. तो महाराष्ट्रातील कोल्हापूर जिल्ह्यातील कुर्ली गावचा रहिवाशी आहे. सदलगा येथे गणेश विसर्जनावेळी मिरवणुकीत डॉल्बी-डीजे लावण्यात आला आहोत. मिरवणूक पाहण्यास विशाल सदलगा येथे आला होता. त्यावेळी ही घटना घडली आहे. अधिक उपचारांसाठी विशाल याला बेळगावातील जिल्हा इस्पितळात दाखल करण्यात आले आहे. सदलगा पोलीस ठाण्याच्या ह्द्दीत ही घटना घडली आहे. डीजेवर बंदी असूनही सदलगा पोलिसांनी डीजे कसा लावू दिला असा प्रश्न या घटनेनंतर उपस्थित झाला आहे.