कोणताही अनुचित प्रकार न घडत बेळगाव महानगरपालिकेची निवडणूक शुक्रवारी शांततेत पार पडली. मात्र केवळ ५०.४१% मतदान झाल्याने मतदानाचा टक्का घसरल्याचे स्पष्ट झाले आहे.

बेळगाव पालिकेच्या ५८ प्रभागांसाठी एकूण ३८५ उमेदवार रिंगणात आहेत. काल सुरळीत पार पडलेल्या मतदानानंतर त्या सर्वांचे भवितव्य ईव्हीएम मशीनमध्ये बंद झाले. बेळगाव पालिकेच्या ५८ प्रभागांत एकूण ४ लाख, ३० हजार ८२५ मतदार असून त्यापैकी २ लाख १४ हजार ८४८ पुरुष तर २ लाख १५ हजार ९७७ महिला मतदार आहेत. या सर्वानी मतदान करणे अपेक्षित होते. मात्र १ लाख १३ हजार ७३८ पुरुष व १ लाख ३ हजार ४९३ महिला मिळून एकूण २ लाख १७ हजार २३१ मतदारांनी मतदान केले. एकूण ५०.४२ टक्के मतदारांनी मतदानाचा हक्क बजावला अशी माहिती निवडणूक विभागाकडून देण्यात आली.  मतदानासाठी मूळ ४०२ व १३ उप अशी एकूण ४१५ मतदान केंद्रे स्थापन करण्यात आली होती.