बेळगाव पालिका निवडणुकीतील प्रभाग क्र. ४३मधील भाजप उमेदवार वाणी विलास जोशी याना सर्वत्र व्यापक पाठिंबा मिळत आहे. घरोघरी मतयाचना करताना महिलांनी त्यांचे आरती ओवाळून स्वागत केले.

गेल्यावेळी विशिष्ट चिन्ह नव्हते. यावेळी भाजपचे कमळ चिन्ह आहे. त्यामुळे आम्ही भाजपलाच मत देऊ असे मतदारानी प्रचारावेळी सांगितले. विद्यानगर हाजुगिरी चाळ पंचमंडळींनीही वाणी जोशी याना पाठिंबा दिला आहे. वाणी जोशी यासुद्धा पंच मंडळींना नमस्कार करून त्यांचा आशीर्वाद घेतला. यावेळी ज्येष्ठ नागरिक मधु गुरव व अन्य उपस्थित होते. काळ वाणी जोशी यांनी बडेकोळ्ळ मठाला भेट देऊन श्री नागेंद्र स्वामींचा आशीर्वाद घेतला.

दरम्यान, भाजप उमेदवार वाणी जोशी यांनी रविवारी चिदंबर नगरात घरोघरी मतदारांच्या भेटी घेऊन प्रचार केला. या प्रचार मोहिमेचे उदघाटन ब्राह्मण समाजाचे अध्यक्ष ऍड. एस. एम. कुलकर्णी यांनी केले. यावेळी बोलताना त्यांनी सुशिक्षित भाजप उमेदवार वाणी जोशी याना सर्वानी बहुमताने निवडून देण्याचे आवाहन केले. मतदानादिवशी कोणीही घरी बसून न राहता आपला मतदानाचा हक्क बजावावा असे आवाहन त्यांनी केले.

यावेळी आनंद पाटील यांनीही, आमच्या नगरातील व्यक्तीला भाजपची उमेदवारी मिळाली हे आमचे पुण्य. त्यामुळे वाणी जोशी याना प्रचंड मतांनी विजयी करू असा निर्धार केला.

यावेळी ऍड. आर. एस. मुतालिक-देसाई, मालतेश कुलकर्णी, मोरेश्वर, श्रीकांत पाटील, वार्ड प्रभारी भीमराव दंडगल आदी उपस्थित होते.