भरधाव दुचाकी दुभाजकाला आदळून झालेल्या अपघातात दोन युवक जागीच ठार झाल्याची घटना हुबळीतील उनकल तलावाजवळील प्रेसिडेंट हॉटेलसमोर घडली.

वेगाने दुचाकी चालवत जात असताना चालकाचे त्यावरील नियंत्रण सुटले. त्यामुळे बाईकने रस्त्यावरील दुभाजकाला जोरदार धडक दिली. त्यामुळे बाइकचालक व पाठीमागे बसलेला युवक रस्त्यावर आपटून जोरदार रक्तस्त्राव होऊन जागीच ठार झाले. मृत युवकांची ओळख अजून पटलेली नाही. वाहतूक पोलिसांनी खबर मिळताच तातडीने घटनास्थळी धाव घेऊन गंभीर जखमी युवकांना किम्स इस्पितळात दाखल केले. मात्र तोवर त्यांची प्राणज्योत मालवली होती. हुबळी उत्तर विभाग वाहतूक पोलीस ठाण्यात अपघाताची नोंद करण्यात आली आहे.