इन्शुरन्स कंपनीकडून पैसे मिळवून देण्याचे सांगून  खोटी कागदपत्रे बनवून  वाहने  इतराना विक्री करणाऱ्या   दोघांना चिकोडी पोलिसांनी अटक केली आहे .

चिकोडीच्या डीवायएसपी कार्यालयात  आयोजित केलेली पत्रकार परिषदेत माहिती देताना एसपी लक्ष्मण निंबर्गी  यांनी सांगितले कि ,  सांगली जिल्ह्यातील वाळवा तालुक्यातील मच्छेन्द्रगड   गावातील  युनूस सैयद  तसेच दांडेली शहरातील  अफझल दिलावर या दोघांना पोलिसांनी अटक केली आहे .  अटकेतील आरोपींकडून , टाटा कंपन्यांचे ४ टिप्पर , महिंद्रा कंपनीचे २ टिप्पर , अशोक लेलँड कंपनीची ३ वाहने ,एक जेसीबी अशी ३.६० कोटी रुपये किंमतीची बारा वाहने जप्त करण्यात आली आहेत . डीवायएसपी मनोजकुमार नाईक , सीपीआय आर आर पाटील , पी एस आय राकेश बगली ,अशोक  कुल्लूर यांच्या नेतृत्वाखाली कर्मचाऱ्यांनी या बदमाशांना अटक केली आहे अशी माहिती एस पी लक्ष्मण निंबर्गी  यांनी दिली .